Abbandunu
"Il Padre eterno creò la Sicilia,
"Il Padre eterno creò la Sicilia,
guardandola si commosse così tanto
che gli venne da piangere:
sette lacrime di miele
e nacquero le Isole Eolie".
Sittatu
supra na petra
antica
di collina
rifugiu
d'ombri i ventu e
di silenziu
staiu
a cuntimplari
pinsirusu
u ciauru di Maiu
passatu me
luntanu
respiru
ora
chiusu
Di fronti
fauci i terra
'nta punta
u Tundaru
lama
'nto ciancu
o mari
i natura
miraculu
veru
Setti perli
ostrichi
d'amuri
suspinduti
fra mari e
cielu
di l'orizzonti
d'acqua e
nnenti
puntiunu
lu velu
Respiru
l'aria
dill'amuri
me luntanu
trimuri
i iammi e
mani
o so cuspettu
peddi
villutu
i mari
vesti
supra i ginocchi
cu ventu
ccarizzava
sciugghiendu
i sintimenti
'ntrizzandu
brizza
salata
i punenti
unu a unu
tutti
li me lamenti
Silenziu
puru all'occhi
si sciogghi
brillanti
scoccia
d'aranci
u suli
i liniamenti
'Nto pettu
na petra
i catta
m'inchiova
alla me terra
ma sugnu
già aria e
fangu
candila
fatta cira
Lentu
u respiru
e stancu
lievi
ora lu fundu
m'abbandunu
privu i turmentu
all'abbrazzu
du silenziu
culla
i villutu
anticu
ora
profumatu e
senza tempu
